બહાદુરી- કીરિટકુમાર ગો ભક્ત

 મરી પડી છે બહાદુરી,ભોંય પર,

બેઠી કાયરતા,બંદૂક લઇ.

સિંહ કહે:

લે નખ અને જડબુ મારી પાસેથી

કાં દઇ દે બંદૂક મને અને પછી લઢ

ત્યારે સમજાય કોણ બહાદુર

અને કેવી તારી બહાદુરી!

સ્વાધીનોનું ગીત – ઝીણાભાઇ દેસાઇ, ‘સ્નેહરશ્મિ’

સ્વાધીન અજય છે ભોમ અમારી,

મુક્ત અજય અમ સરિતાતીર;

ગિરિગહવર ને ખીણ-કોતરો,

મુક્ત સદા અમ સાગર-નીર!

સ્વાધીન! અમે સ્વાધીન! સદા સ્વાધીન!

અમે સૌ ઉન્નત-શિર;

મુક્ત અભય છે ભોમ અમારી,

મુક્ત અભય અમ વહે સમીર.